Arab Music Forum

Arab Music
 
الرئيسيةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 المصري الطيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو حميد المصري



عدد الرسائل : 58
Localisation : مصر
تاريخ التسجيل : 11/05/2007

مُساهمةموضوع: المصري الطيب   السبت مايو 26, 2007 1:29 am

مصري أنا و طيب
قانع و قلبي كبير
ما فيا حاجة تِعَيٍِب
عليا حِكوا أساطير
لو بعدت يوم عن هنا
و لو مليون سنه
لازم ح ييجي اليوم
اللي أرجع هنا

لا ييجي يوم أمَيل
و أبيع أخويا للغير
لا أسمع لمن هَول
ماسك في إيده نفير
لو كان بيحبنا
ما كان يقول عننا
ما يسبب التكدير
يبعدنا عن بعضنا

أيام كتير عدت
و أنا شديد لا ألين
بأحزان ما إتعدت
قاسم الرغيف لتنين
نشيل سوا همنا
لا شدة بتهزنا
دا إحنا لحن أصيل
نكمل فيه بعضنا

فاكر زمن جدودنا
حموا الديار و الغيط
لا فرطوا في حدودنا
ما إتقطع بيناتنا الخيط
ييجي يوم جهلنا
نسمع لمن سبنا
بكلام سفيه و حقير
من كتر كرهه لنا

زمان الناس حكيت
و إتغنوا في الترانيم
لو الشدة يوم إشتدت
يكون فرجها عظيم
إزاي نسيب بعضنا
لعدو كايد لنا
دا برضه مهما يكون
دا دمنا و عرضنا

ما تياللا يا أخوة
يا أقباط يا مسلمين
ياللا تاخدنا نخوة
لنظل مخلصين
لوطن بيضمنا
أرضه من تحتنا
رفات جدود كتير
عاشوا و ماتوا هنا

ما تياللا يا مينا
و إنت كمان يا حسين
نحضن في بعضينا
ما يكون ما بينا بين
دا من حنان ربنا
جمع ما بينا هنا
لنعبد رب الكون
الخالق لنا كلنا
______

أبو حميد المصري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د.أسامة عفيفى
Admin


عدد الرسائل : 161
Localisation : الإسكندرية
تاريخ التسجيل : 10/05/2007

مُساهمةموضوع: رد: المصري الطيب   السبت مايو 26, 2007 2:31 pm

شاعرنا أبوحميد المصرى
مؤثر جدا هذا النداء المخلص من قلب مخلص
لقد حركت بعض ما كنت قد عزفت عنه ، وأشكرك لهذا ، فآثرت التعليق بالأبيات على التعليق بالكلمات .. وخرجت ثلاثيات بعنوان " حيى بلادك " منظومة على قافيتك فى "المصرى الطيب"
يمكنك الوصول إليها من هنا
تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://classicarabmusic.blogspot.com
أبو حميد المصري



عدد الرسائل : 58
Localisation : مصر
تاريخ التسجيل : 11/05/2007

مُساهمةموضوع: رد: المصري الطيب   السبت مايو 26, 2007 5:05 pm

د. أسامة عفيفى كتب:
شاعرنا أبوحميد المصرى
مؤثر جدا هذا النداء المخلص من قلب مخلص
لقد حركت بعض ما كنت قد عزفت عنه ، وأشكرك لهذا ، فآثرت التعليق بالأبيات على التعليق بالكلمات .. وخرجت ثلاثيات بعنوان " حيى بلادك " منظومة على قافيتك فى "المصرى الطيب"
يمكنك الوصول إليها من هنا
تحياتى

تكرم يا أصيل
ردي هناك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المصري الطيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Arab Music Forum :: شعر وشعراء :: شعر العامية-
انتقل الى: